Kompozitori i shquar grek Mikis Theodhorakis, por i njohur në gjithë botën, vdiq sot në moshën 96 vjeçare. Mikis (Mihail) Theodhorakis, i lindur në 29 korrik 1925 në ishullin Hios ishte kompozitori më i shquar i Greqisë si dhe ndër personalitetet më të rëndësishme bashkëkohore të vendit, me karrierë e famë botërore.
Mikis Theodhorakis ka lënë pas një vepër të pasur muzikore si kompozitor, autor tekstesh dhe dirigjent. Gjithashtu, veprimtaria e tij si aktivist dhe politikan ka patur gjithmonë ndikim të madh në çështjet social-politike të Greqisë.
Theodorakis ishte pjesëtarë i rezistencës ndaj pushtimit nazist të Greqisë në Luftën e Dytë Botërore
Ai ishte gjithashtu një figurë udhëheqëse që kundërshtonte sundimin ushtarak në Greqi nga 1967-1974.
Mikis Theodhorakis ka qenë 4 herë deputet në parlamentin grek. Për rolin e rëndësishëm si aktivist e humanist është vlerësuar me Çmimin e Paqes në vitin 1983.
Mikis Theodorakis, u bë edhe më i njohur për muzikën nga filmi i vitit 1964 Zorba the Greek. Greku Zorba tregoi historinë e një shkrimtari anglez në Kretë, jeta e të cilit ndryshon kur takon fshatarin Alexis Zorbas. Skena kur Zorba kërcen zbathur në plazh u bë një imazh popullor i kulturës greke. Tema nga filmi, i cili fitoi tre çmime Oskar, mbetet ndoshta pjesa më e famshme e muzikës greke më shumë se gjysmë shekulli më vonë.
“Sot kemi humbur një pjesë të shpirtit të Greqisë,” shkroi ministrja e Kulturës Lina Mendoni në Twitter, duke e quajtur atë “ai që i bëri të gjithë grekët të këndojnë poezi”.
