Dy persona janë arrestuar nga policia e Korçës, pasi akuzohen se i kanë vjedhur çantën e dorës një shtetase në lagjen nr.13 në Korçë.
Në pranga janë vënë shtetasit: A. L., 36 vjeç dhe A. K., 31 vjeç, banues në Korçë, të cilët në bashkëpunim me njëri-tjetrin i kanë marrë çantën e dorës shtetases me iniciale D. M., në të cilën kishte dokumente e sende personale të saj.
Njoftimi i policisë:
Specialistët për Hetimin e Krimeve në Komisariatin e Policisë Korçë, bënë arrestimin në flagrancë të shtetasve A. L., 36 vjeç dhe A. K., 31 vjeç, banues në Korçë, pasi më datë 03.09.2021, në lagjen nr. 8, Korçë, këta shtetas në bashkëpunim mes tyre i kanë vjedhur çantën e dorës, shtetases D. M., brenda së cilës ndodheshin dokumente e sende personale të saj, të cilat iu gjetën dhe sekuestruan në cilësinë e provës materiale.
Specialistët e Sektorit për Policinë Rrugore në DVP Korçë, bënë arrestimin në flagrancë të shtetasit A. M., 39 vjeç, banues në fshatin Vashtëmi, Maliq, pasi në këtë fshat, ky shtetas u kap duke drejtuar mjetin tip “Benz”, në gjendje të dehur.
Materialet në ngarkim të tyre i kaluan Prokurorisë së Rrethit Gjyqësor Korçë për veprime të mëtejshme.
