Kryeministri çek Andrej Babis tha se nuk kishte “vend” për refugjatët afganë në Bashkimin Evropian.
Udhëheqësi populist sugjeroi se do të ishte më mirë të “gjenin një zgjidhje që u lejon atyre të qëndrojnë në Afganistan”.
Komentet u bënë pas një takimi të martën me kancelarin austriak Sebastian Kurz dhe kryeministrin sllovak Eduard Heger.
Udhëheqësit e BE-së thanë se ishin të gatshëm të ndihmonin refugjatët afganë pasi talibanët morën kontrollin, por vetëm ata që ikën në vendet fqinje.
“Në të vërtetë nuk ka vend për ta në Evropë,” tha Babis në Kështjellën Lednice, në Republikën e Çekisë juglindore. “Një opsion është të zhvillosh bisedime me Presidentin turk Rexhep Tajip Erdogan, por unë nuk mendoj se kjo është një zgjidhje e mirë. Një opsion më i mirë është një zgjidhje që i lejon njerëzit të qëndrojnë në Afganistan,” shtoi ai.
Në vitin 2016, BE arriti një marrëveshje emigracioni me Turqinë, ku Ankaraja u zotua të parandalonte miliona refugjatë kryesisht sirianë të iknin në Evropë në këmbim të fondeve për të ndihmuar në strehimin e më shumë se tre milionë emigrantëve.
