Lionel Messi ose Cristiano Ronaldo është pyetja e përjetshme në futbollin modern dhe tani një akademik në Angli i është drejtuar matematikës në përpjekje për ta zgjidhur atë.
Dr Tom Crawford i Universitetit të Oksfordit krijoi një model të dhënash për të krahasuar 10 futbollistët më të mire të të gjitha kohërave, të zgjedhur sipas kritereve të caktuara duke i renditur ata duke përdorur statistikat.
Crawford u pyet nga LiveScore, nga të cilët Cristiano Ronaldo është ambasadori global, të hartojë indeksin GOAT (Greatest of all time – Më i miri i të gjitha kohërave) dhe matematicieni e filloi detyrën me entuziazëm.
Për t’u përfshirë në 10-shen e parë fillestare, lojtarët duhej të shënonin shumë në shtatë kategori: trofetë e klubeve, trofetë ndërkombëtarë, golat e klubit, golat ndërkombëtarë, Topin e Artë (minimumi dy), rekordet, sezonet e faktorit Z (matematikisht fushata të jashtëzakonshme).
Në një model kompleks, u caktuan pikë për secilën kategori bazuar në faktorë të shumtë, duke marrë parasysh vështirësinë e arritjeve të caktuara dhe duke shpërblyer ata lojtarë që patën sukses në shumë liga.
Statistikat e Messit dhe Ronaldos
Pas shumë diskutimeve, sistemi i Dr. Crawford dha një top 10-she dhe një përgjigje për debatin Messi vs Ronaldo.
Ishte sulmuesi portugez ai që fitoi vendin e parë, me rekordin e tij të shënimit të golave dhe sukseset në ligat e shumta vendase që e ndihmuan atë, duke lënë pas kështu lojtarin më të ri të PSG, Lionel Messin.
Me një rezultat përfundimtar nga 100 të dhënë për secilin lojtar, 10 më të mirët ishin si më poshtë:
1. Cristiano Ronaldo (100)
2. Lionel Messi (94)
3. Pele (85)
4. Ferenc Puskas (57)
5. Ronaldo Nazario (52)
6. Marco Van Basten (44)
7. Alfredo Di Stefano (37)
8. Michel Platini (33)
9. Diego Maradona (31)
10. Johan Cruyff (30)
