Albulena Fight Night është një event i madh që po mbahet sot në sheshin Skëndërbej në Tiranë. Bëhet fjalë për ndeshjen e MUAY THAI ku luftohet pë titullin Europian të MTSA. Për këtë çmim do të ndeshet shqiptari Ervis Bici kundër italianit Abdul Kassimi. Por kjo nuk është e vetmja ndeshje sepse Francesco Maggio do të ndeshet me Davide Anneti, Federico Sanguenieri do jetë kundra Gabriele Cosentinos, Samy El Khador do të ndeshet me Carlos Catagua, Oscar Cambiaghi kundra Eri Lalës, Mohsin Hamdaoui kundra Mirko Gloriosos, Hamza Mokadem kundra Riccardo Santese dhe Federico Agostino do ndeshet me Simone Podestan.
Kjo mbrëmje nuk do të sjellë vetëm ndjeshjen plot emocione por në Albulena Fight Night do të ketë edhe shumë muzikë të mirë. Të ftuarit janë dy këngëtarët e shumë pëlqyer nga publiku: Noizy dhe Dafina Zeqiri. Dhe nuk mbaron me kaq, i ftuar special është edhe Bes Kallaku. Këto personazhe të njohura do të ndezin skenën e Albulena Fight Night bashkë me DJ Crax dhe Dj Geek.
Përveç argëtimit, Albulena Fight Night ka edhe një mision shumë të rëndësishëm dhe human sepse paratë e biletave do të shkojnë për bamirësi. Siç duket edhe në video, radhët janë të gjata për të qenë prezent në këtë event.
