Megjithëse jemi zyrtarisht në stinën e vjeshtës, temperaturat vijojnë që të jenë të larta, ku sot pritet që të arrijnë deri në 33 gradë celcius.
Sipas MeteoAlb territori Shqiptar në pjesën e parë të ditës paraqitet me kthjellime në zonat bregdetare, por kthjellime dhe vranësira të lehta në zonën e ulët dhe zonën malore. Pjesa e dytë e ditës paraqitet ne ndikimin e kthjellimeve dhe vranësirave te shpeshta në të gjithë territorin e vendit.
Temperaturat e ajrit do të vijojnë të rriten në mëngjes dhe mesditë duke luhatur vlerat ditore nga 14°C deri në 33°C.
Era do të fryjë mesatarisht me shpejtësi 28 km/h drejtimi kryesisht Veriperëndimor duke krijuar në det dallgëzim 2 ballë.
Rajoni dhe Europa
Gadishulli Apenin, Rajoni i Ballkanit dhe Europa Lindore do të jenë në dominimin e kthjellimeve dhe vranësirave të shpeshta. Ndërsa vendet Skandinavie dhe ishujt Britanike do të jenë në prezencën e reshjeve të shiut dhe stuhive afat-shkurtra të erës. Po ashtu, mbeten në ndikimin e presionit të ulët atmosferik Europa Qëndrore dhe Jugperëndimore duke sjelle reshje të konsiderueshme shiu në këto rajone.
