Një rast shumë i rëndë dhune është regjistruar ditën e sotme në qendrën e qytetit të Pejës. Dy persona, një djalë i ri dhe një grua, kanë rrahur barbarisht një tjetër grua. Pamjet e publikuara në rrjetet sociale janë vërtet të rënda. Dhuna e ushtruar ndaj gruas së vetme është tepër e rëndë, sidomos nga ana e djalit.
Në fund shihen 2 policë të veshur civilë teksa afrohen, duke ndërhyrë dhe kanë shoqëruar dhunuesit dhe kanë çuar në spital të dhunuarën. Policia e Kosovës në rajonin e Pejës ka thënë për Gazetën Express se dy persona janë arrestuar.
“Rreth orës 14:00 në rrugën Nëna Tereza në Pejë, Policia ka hasur në një rrahje e cila ishte në progres, Ka arrestuar dy persona, viktima është dërguar në spital. Rasti nga Prokurori është cilësuar si lëndim i lehtë. Dy persona janë dërguar në mbajtje”, tha zëdhënësi i Policisë në Pejë, Fadil Gashi.
