Ylli i Sex and the City, Willie Garson ka ndërruar jetë në moshën 57-vjeçare.
Aktori nuk i mbijetoi dot një sëmundjeje, e cila iu përhap në një periudhë të shkurtër, konfirmon “People”. Garson vuajti nga kanceri i pankreasit dhe ishte i rrethuar nga familja në kohën e vdekjes së tij.
“Të dua shumë babi. Pushofsh në paqe dhe jam i lumtur që pate mundësinë t’i ndash të gjitha aventurat e tua me mua dhe munde të arrish aq shumë gjëra në jetë. Jam jashtëzakonisht krenar me ty. Ti gjithmonë ishe personi më i ashpër, më qesharak dhe më i zgjuar që kam njohur. Nuk do të të harroj kurrë”, ka shkruar djali i tij Nathen Garson.
Garson luajti Stanford Blatch, mikun më të mirë të Carrie Bradshaw të Sarah Jessica Parker, në Sex and the City. Ai do të shfaqet në publikimin e ardhshëm të ‘And Just Like That’.
Willie u shfaq në sheshxhirim për herë të fundit në muajin korrik për të filmuar seritë e ardhshme të “Sex and the City”.
