Pasi policia nuk e gjeti në banesën e tij, gazetarja Anila Hoxha zbuloi për emisionin OPEN në Top Channel se Adriatik Llalla është shpallur në kërkim kombëtar dhe pas disa ditësh do të shpallet në kërkim ndërkombëtar.
Gazetarja konfirmoi se ish-kryeprokurori ka dalë nga Shqipëria, përmes Rinasit, dy javë më parë, fillimisht me destinacion Italinë.
“Burime të sigurta më konfirmojnë se Adriatik Llalla ka dalë para dy javësh nga Shqipëria përmes aeroportit të Rinasit. Llalla ka dalë nga Rinasi dy javë më parë, 9 shtator për në Itali. Nuk dihet më ku është destinacioni i tij”, tha Anila Hoxha.
Pak minuta më parë, me urdhër të SPAK, policia ushtroi kontroll në shtëpinë e Adriatik Llallës për ta arrestuar, por doli duarbosh.
Gjykata e Apelit e ka dënuar ish-kryeprokurorin me dy vjet burg.
