“Truri” i vaksinës së Oxford-AstraZeneca, profesoresha Dame Sarah Gilbert hodhi poshtë frikën për një variant të ri më vdekjeprurës të covid.
“Ne shohim që viruset bëhen më pak virulentë pasi qarkullojnë më lehtë dhe nuk ka arsye të mendojmë se do të kemi një version më të rëndë të Sars-CoV-2,” tha ajo gjatë një seminari në “Royal Society of Medicine”.
Ajo tha se Covid-19 me shumë mundësi nuk do të pësojë një mutacion më të rëndë dhe me kohën do të kthehet në një ftohje të zakonshme.
Më tej profesori Chris Whitty paralajmëroi një ditë më parë se pothuajse të gjithë fëmijët e pavaksinuar do të infektohen me Covid në një moment në të ardhmen dhe rreth gjysma e të rinjve janë infektuar me virusin.
