Manchester United ka humbur në “Old Trafford” përballë Aston Villa. Asgjë nuk shkoi sipas planeve për ‘Djajtë’ të cilët në minutat e fundit hodhën poshtë gjithë sfidën.
Në minutën e 88-të mbrojtja përgjumet dhe nga thellësia vjen Korney House për të heshtur gjithë stadiumin. Në disavantazh minimal, Manchester United hidhet në sulm dhe kërkon golin e barazimit dhe autori i golit të Villas shkakton penallti pas një prekje me dorë.
Ronaldo i la penalltinë portugezit tjetër Fernandes i cili shpërdoroi mundësinë duke gjuajtur mbi traun e portës. Aston Villa del me tre pikë nga sfida ndërsa Manchester United mbetet në kuotën e 13 pikëve dhe Premier League tashmë ka 4 ekipe në krye.
