Në stadiumin e Tottenham u zhvilluan disa duele të rëndësishme të boksit, aty ku mbrëmë edhe Florian Marku fitoi titullin IBF për peshat e mesme.
Në eventin elitar, pas boksierit shqiptar ishte radha e përballjes Callum Smith vs Lenin Castillo e cila përfundoi shumë shpejt por në mënyrë dramatike.
Smith në raundin e dytë i dha kundërshtarit një nokaut të frikshëm dhe nga pamjet e transmetuara, Castillo fillon të dridhet e më pas merr ndihmën e mjekëve me oksigjen pasi situata mund të bëhej edhe më dramatike.
Për t’u vlerësuar është fakti që DAZN, largoi pamjet në momentin kur ekipi mjekësor po jepte ndihmën me oksigjen për Lenin Castillo i cili më pas e mori veten.
