Shpërthimet nga vullkani Cumbre Vieja në ishullin Kanarie të La Palma, Spanjë, janë intensifikuar goxha gjatë ditës së djeshme ndërsa fluturimet janë pezulluar dhe zyrtarët kanë urdhëruar evakuime shtesë, duke e çuar numrin e përgjithshëm të të evakuuarve në gati 6,000 njerëz.
“Sipas të dhënave të vëzhgimit vullkanik që është kryer që nga fillimi i shpërthimit, pasditen e djeshme ndodhi momenti më energjik i procesit të shpërthimit”-thanë në një deklaratë autoritetet vendase.
160 personat e fundit të evakuuar u larguan nga tre qytete të tjera dhe nuk u lejuan të ktheheshin në shtëpitë e tyre për të marrë sendet e tyre për shkak të rrezikshmërisë që paraqet situata. Fluturimet në aeroportin e La Palma u pezulluan për shkak të grumbullimit të hirit vullkanik.
