Gjykata e Posaçme kundër Korrupsionit dhe Krimit të Organizuar dënon me 1.6 vite burg ish-drejtorin e Kadastrës së Beratit Ervin Nelaj. Më herët sot, SPAK ka njoftuar mbylljen e hetimeve dhe dërgimin e çështjes në gjyq.
Prokuroria kërkonte 3 vite burg për Nelajn pasi e akuzonte atë për veprën penale të korrupsionit, mirëpo Gjykata nuk ka pranuar këtë kërkesë duke përgjysmuar dënimin e ish-drejtorit të Kadastrës. 38 vjeçari është arrestuar në janar 2021 në kushtet e flagrancës dhe akuzohej për veprën penale të “Korrupsionit”.
Ervin Nelaj u arrestua pas një hetimi 9 mujor të Policisë dhe Prokurorisë, i koduar “Aluizni”. Ky shtetas gjatë ushtrimit të detyrës ka përvetësuar shuma parash nga persona të ndryshëm, me qëllim pajisjen e tyre me dokumentet legalizimi.
