Shërbimi për Çështjet e Brendshme dhe Ankesat do të hetojë ngjarjen e rëndë në Kune-Vain të Lezhës, ku mbeti i vrarë një efektiv policie.
Në qendër të hetimit të SHÇBA do të jenë dy kolegët e policit të ndjerë, dhe mënyra se si ata kanë vepruar gjatë dhe pas krimit të rëndë ku mbeti i vrarë kolegu i tyre 44-vjeçari Saimir Hoxha.
21-vjeçari Aldi Rama qëlloi me një plumb në zemër nënkomisarin e policisë, teksa ai dhe dy kolegët iu afruan për t’i pyetur. I riu ishte ulur në sediljen e pasme të një makine që kishte ndaluar në lagunën Kune Vain.
Pasi Hoxha qëlloi drejt policisë, është e paqartë se si arriti të largohej bashkë me dy shokët që ndodheshin në makinë. Gjithashtu sipas raportimeve të para, policia nuk ktheu zjarr ndaj tyre.
