BE do të vijojë të ndihmojë Shqipërinë për të çuar përpara Reformën në Drejtësi. Kështu bëri me dije Ambasadori i Be, Luigi Soreca në një deklaratë gjatë një aktiviteti të Këshillit të Lartë Gjyqësor.
Soreca tha se konsolidimi i Reformës në Drejtësi duhet të jetë kryefjalë për politikën në vendin tonë dhe se një drejtësi e pavarur është kusht thelbësor për integrimin në BE. Po ashtu Soreca theksoi se duhet të zgjaten afatet për organet e vetingut dhe se Kuvendi duhet të nisë konsultimet me të gjithë aktorët.
“Do të kem takim me mazhorancën e opozitën, pas takimit qe pata me Ministrin e Drejtësisë Ulsi Manja për ecurinë e reformës së drejtësisë. Duhet zgjatja e afatit të organeve të vettingut, por Kuvendi duhet ta konsultojë me të gjithë aktorët. Konsolidimi i Reformës në Drejtësi duhet të jetë kryefjalë. Duhet të ruhet integriteti dhe pavarësia e sistemit të drejtësisë. Një drejtësi e pavarur, kusht thelbësorë për integrimin në BE. BE do të ndihmojë Shqipërinë me 50 milion euro për Reformën në Drejtësi”, tha Soreca.
