Kryeministri Edi Rama së bashku me ministren e Arsimit, Evis Kushi, ndodhet në Spanjë, me qëllimin afrimin e universiteteve të huaja publike në Shqipëri.
Rama ka publikuar një video, ku shihet me ministren Kushi teksa priten në selinë e ministrisë së Universiteteve, nga ministri spanjoll Manuel Castells Olivan.
“Madrid, Spanjë – Në Ministrinë e Universiteteve me Ministrin Manuel Castells Oliván, në vijim të nismës për sjelljen e universiteteve të huaja publike në Shqipëri , shkroi Rama mbi videon e publikuar.
Vlen të përmendet se kryeministri gjatë ditës, është takuar dhe me kryeministrin e Spanjës Pedro Sanchez, ku nënshkruan dhe 2 marrëveshje. Ato kishin të bënin me memorandumin e mirëkuptimit ndërmjet Këshillit të Ministrave të Republikës së Shqipërisë dhe Qeverisë së Mbretërisë së Spanjës, për bashkëpunimin në çështjet e arsimit të lartë dhe Marrëveshjen si shtesë e konventës europiane për ekstradimin e vitit 1957 .
