Në prag të ndeshjes ndaj Hungarisë, ka folur Edi Reja në konferencën për shtyp.
Edy Reja e shikon si një nga ndeshjet më të rëndësishme të eliminatoreve atë ndaj Hungarisë.
Trajneri kuqezi foli në konferencën për shtyp në Budapest ku siguroi se Shqipëria do të bëjë një ndeshje të madhe për të marrë maksimumin ndaj kundërshtarit.
A mund ta quajmë si një finale?
“Për ne të gjitha janë një finale. Kush humbet një ndeshje është jashtë kualifikimit. E dimë forcën e Hungarisë, kemi një moment pozitiv dhe ne kemi ardhur këtu për të bërë një ndeshje të madhe. Ky është objektivi ynë dhe të marrim rezultat”.
A e keni menduar formacionin apo keni ende dyshime?
“Kam një grup prej 24 lojtarësh dhe do të vendos sepse kam disa dyshime sidomos nga ana fizike. Kush shkon në fushë do të japë maksimumin. Hungaria është ekip fizik dhe duhet të bëjmë maksimumin. Kemi stërvitjen e fundit dhe nesër në mëngjes do të vendos”.
