Një ngjarje e rëndë ka ndodhur mëngjesin e sotëm në Athinë, ku protagonist është një shqiptar.
Mediat në vend raportojnë se rreth orës 09.00 patrulla e policisë ndaloi një automjet tip “Peugeot”, me të cilën po qarkullonte shqiptari.
Ata i bënë sinjal shoferit që të ndalonte për ta kontrolluar dhe vunë re se makina ishte e vjedhur.
Duke ditur se e prisnin prangat, shqiptari raportohet se e shtyu një nga policët hipi në makinë dhe tentoi të largohej. Mësohet se ai ka rritur shpejtësinë duke goditur dhe makinën e policisë dhe është përpjekur të largohet. Nga incidenti ka mbetur i plagosur edhe një efektiv.
Më tej, shkruajnë media greke, oficerët e policisë qëlluan në drejtim të shqiptarit dy herë, dhe një prej plumbave e kapi në këmbë.
Forcat të shumta policore kanë shkuar në vendngjarje, ndërsa po presin një ambulancë për të marrë të plagosurit.
