Lajm i trishtë për basketbollin shqiptar. Ditën e sotme ka ndërruar jetë arbitri Daniel Aliaj në moshën 24-vjeçare. Aliaj vuante nga kanceri në këmbë, sëmundje që fatkeqësisht nuk mundi ta mposhte.
Lajmi bëhet me dije nga Federata shqiptare e basketbollit në rrjetet sociale që shkruan se këtë lajm të trishtë nuk donin ta ndanin kurrsesi.
Daniel Aliaj ishte gjyqtar në kampionatin e basketbollit dhe largimi i tij I parakohëshëm nga jeta është padyshim një dhimbje e madhe për familjen e tij, shoqërinë, por edhe për komunintetin e basketbollit që humbi një arbitër që kishte një dëshirë të madhe për të avancuar në gjykimin e ndeshjeve të basketbollit.
Postimi i Federatës së Basketbollit:
Një lajm i trishtë që kurrsesi nuk do donim të ndanim kurrë, ndërron jetë Daniel Aliaj në moshën 24 vjeçare.
Dhimbje për familjen, dhimbje për shoqërinë dhe për komunitetin e basketbollit që e njohu së fundmi si gjyqtar.
Djali energjik dhe me shumë dëshira për të avancuar në gjykimin e ndeshjeve, ambicioz duke ndjekur kolegët e tij më me eksperiencë!
Sa shumë kishe për dhënë akoma Daniel!
Qofsh i parajsës Daniel, i përjetshëm kujtimi yt!
Newsport.al i shpreh ngushëllimet familjes për këtë humbje të madhe.
