Deputeti i Partisë Socialiste, Erion Braçe u shpreh se vendimi i kompanive të linjave të transportit urban për të përgjysmuar numrin e autobusëve, është kriminal.
Ish- zv. Kryeministri thotë se autobusët janë kthyer tashmë në bomba infeksioni të virusit Covid. Më ketë mënyrë thotë deputeti i PS-së, ato po përhapin qëllimisht Covid-in.
“Ti themi gjerat sic jane: Kjo qe operatoret private po bejne me autobuset ne #tirane, eshte kriminale! I kam degjuar privatet ne ligjerime me pashe neper tv; Kam kuptuar qe “halli” i tyre eshte ekonomik-ka lidhje me fitimin, kontraktual. E kuptoni diferencen? Qendrimi i tyre konkret, ne linja autobusesh, per nje fitim kontraktual, eshte i njenashem e kriminal; Ne Tiranë ata, po qarkullojne autobuse qe jane doemos bomba infeksioni. Te perdoresh njerëzit qe levizin me autobuse per te arritur qellimet e fitimit kontraktual, eshte kriminale ne kushtet e nje pandemie. Eshte perhapje e qellimshme e infeksionit. Kaq per tani.”- shkruan Braçe.
Prej ditësh linjat urbane në Tiranë, po funksionojnë me gjysmë kapaciteti. Që pas daljes nga karantina në vitin e kaluar shoqatat e transportit gjatë protestave të zhvilluara kërkuan heqje akcize, ulje TVSH-je dhe rimbursim për personat që përfitojnë transportin falas. Teksa ka kaluar më shume se 1 vit pa u plotësuar, shoqëritë i kanë shtuar kërkesat e tyre.
Kërkesat e tyre minimalisht i kushtojnë buxhetit të shtetit 4.1 milionë euro. Konkretisht vetëm plotësimi i kërkesës për uljen e TVSH-së nga 20% që është aktualisht në 6%, në një vit i kushton buxhetit 1.8 milionë euro.
