Sindikata e mjekëve britanikë ka akuzuar qeverinë e Boris Johnson se është “neglizhent me dashje” në trajtimin e valës së fundit të pandemisë COVID-19. Mbretëria e Bashkuar ka regjistruar gati 50,000 raste të reja ditore me COVID-19.
Shkalla e shtrimeve në spital dhe vdekjeve gjithashtu nuk ka arritur të bjerë që nga vera, kur vendi hoqi pothuajse të gjitha kufizimet e mbetura.
“Qeveria ka hequr këmbën nga frenat”, duke dhënë përshtypjen se pandemia është pas nesh dhe se jeta është kthyer në normalitet,” bëri me dije Shoqata Mjekësore Britanike në një deklaratë ditën e sotme.
Nga ana tjetër kjo shikohet si neglizhencë e vullnetshme e qeverisë që të mos ndërmarrë ndonjë veprim të mëtejshëm për të zvogëluar përhapjen e infeksionit.
