Ish-mbretit spanjoll Juan Carlos iu injektuan hormone femërore për të kontrolluar dëshirën e tij seksuale të shfrenuar, ka pohuar një ish-shef policie në një seancë parlamentare.
Jose Manuel Villarejo tha gjithashtu se ish-monarkut, që tani jeton në një hotel luksoz në Abu Dhabi, iu dhanë bllokues të testosteronit nga shërbimi sekret spanjoll pasi libidoja e tij u kategorizua si ‘problem shtetëror’.
Villarejo, një ish-komisar i policisë spanjolle aktualisht në gjyq për një rast shantazhi, tha: “Qendra Kombëtare e Inteligjencës (CNI)] injektoi hormone femërore dhe bllokues të testosteronit për të kontrolluar epshin e tij sepse konsiderohej një problem shtetëror, ai ishte gjithë kohës i eksituar.”
Filantropistja danezo-gjermane Corinna Larsen, këngëtarja spanjolle Sara Montiel, guvenatorja belge Liliane Sartiau dhe princesha italiane Maria Gabriela de Saboya janë vetëm disa nga femrat që ai përflitet se ka shtruar në shtrat me to, përveç gruas së tij, Mbretëreshës Sofia.
Megjithatë, lajmet për libidon legjendare të ish-mbretit nuk janë të reja. Një autor spanjoll dhe historian ushtarak Amadeo Martinez Ingles shkroi një libër të titulluar “Juan Carlos: Mbreti i 5000 të dashurave”, duke grumbulluar prova të historisë së tij seksuale dhe duke e pikturuar mbretin si një të varur nga séksi.
Princesha Diana përflitet se ka qenë një nga zonjat që ish-mbreti ndoqi në një mënyrë romantike. Ekspertja spanjolle, Pilar Eyre ka vërtetuar pretendimin se ish-mbreti u përpoq të flinte me Princeshën Diana.
Një nga “takimet seksuale” të Juan Carlos thuhet të jetë me Maria Gabriela de Saboya, vajzën e mbretit të fundit të Italisë.
Juan Carlos mbretëroi si Mbret i Spanjës nga viti 1975 deri në vitin 2014 kur ai abdikoi në favor të djalit të tij Felipe VI.
83-vjeçari u largua nga Spanja për në Abu Dhabi në gusht të vitit të kaluar pasi prokurorët zviceranë hapën një hetim mbi llogaritë bankare që ai dyshohet se i mbante në parajsat fiskale.
