Arrestohet në flagrancë punonjësi i një lokali në Tiranë dhe shpallet në kërkim pronari, pasi e përdornin ambientin për lojëra fati.
Punonjësi E. X, 47 vjeç, në bashkëpunim me B. H. 36 vjeç merreshin me veprimtarinë e kundërligjshme të ushtrimit të aktivitetit në fushën e lojrave të fatit, me anë të aplikacioneve në aparatet celulare, tableta, kompjutera si dhe duke përshtatur ambiente për lojëra fati.
Gjatë kontrollit në lokal, shërbimet e Policisë sekuestruan 4 makineri për vendosjen e xhetonave, një shumë e konsiderueshme parash, disa kompjutera dhe sende të tjera të kundërligjshme.
Vijon puna për kapjen e personit në kërkim, si dhe të personave të tjerë të përfshirë në organizimin e kësaj veprimtarie kriminale.
Materialet i kaluan Prokurorisë së Rrethit Gjyqësor Tiranë, për veprat penale “Organizim i llotarive të palejuara, Vënia në dispozicion e lokaleve për lojra të palejuara,” “Fshehje të ardhurash” dhe “Mospagim taksash dhe tatimesh”.
