Ndodhi katastrofa ajrore. Më 26 tetor të vitit 1989 avioni civil transportues i linjës China Airlines Flight 204, u rrëzua pasi u ngrit nga aeroporti i Hualien në Taiwan, duke vrarë të 54 personat në bord. Airlines 204 u nis nga aeroporti Hualien në një fluturim të shkurtër për në aeroportin Taipei Sungshan, në ishullin e Taiwan-it. Në bordin e Boeing 737 ishin 47 pasagjerë dhe 7 të ekuipazhit. Dhjetë minuta pas ngritjes së avionit, pasi arriti një lartësi prej 2.200 m, ai u përplas me një mal, pjesë e rangut malor Chiashan, 5.5 km, në veri të aeroportit. Të gjithë 54 pasagjerët dhe ekuipazhi në bord u vranë.
Shkaku kryesor i rrëzimit ishte gabimi i pilotit, me ekuipazhin, i përbërë nga një pilot me përvojë (15 vjet me China Airlines) dhe një bashkë-pilot fillestar, duke u ngritur nga pista e gabuar, e shoqëruar nga kontrolli në tokë, i cili nuk arriti të dallojë gabim. Avioni më pas fluturoi me procedurën e ngjitjes për pistën që ishte planifikuar të përdorte fluturimi, duke rezultuar në një kthesë majtas drejt maleve në vend të një kthese djathtas drejt detit.
