Trekëndëshi i dashurisë mes Wanda Narës, Icardit dhe modeles Suarez ka bërë bujë në botën e argëtimit dhe futbollit. Teksa të gjithë menduam se telenovela e tyre mori fund mbrëmë me dedikimin që 34-vjecarja i bëri argjentinasit ku zbuloi se pas divorcit kishin zgjedhur sërish njëri-tjetrin, mesazhe të reja dalin në skenë.
Janë mesazhet e Icardit dërguar Suarez ku sulmuesi argjentinas shprehet se nuk e do më gruan e tij, Narën.
Angel de Brito, i “Los Angeles de la Manana”, zbuloi më shumë detaje rreth trekëndëshit të dashurisë.
“Kur filluan të flasin, gjëja e parë që ai i tha asaj ishte: “Ti je gruaja e ëndrrave të mia, idhulli im, të kam parë në këtë mënyrë që kur kam qenë i vogël”, ka treguar prezantuesi.
Pa e pyetur askush asgjë, ai filloi t’i thoshte Suarez se ishte në telashe me Wandën. Në një moment, ai tha ‘Dua të ndahem me Wandën, nuk dua të jem më me të. ‘.
Sipas prezantuesit Icardi tha diçka mjaft të fortë në mesazhet e tij me Suarez: ‘Kam ndalur ta dua atë, e mendoj si motrën time”.
