Barcelona shkarkoi trajnerin Ronald Koeman të mërkurën pas humbjes 1:0 ndaj Rayo Vallecano.
“Presidenti i klubit, Joan Laporta, bëri njoftimin për vendimin pas disfatës ndaj Rayo Vallecano-s”, thuhet në njoftimin e klubit.
“Ronald Koeman do t’i thotë lamtumirë skuadrës të enjten në Ciutat Esportiva. FC Barcelona dëshiron ta falënderojë për shërbimin e tij për klubin dhe i uron gjitha të mirat në karrierën e tij profesionale”, thuhet më tej.
Nuk mund të mohohet se rezultatet e Barcelonës këtë sezon kanë qenë të dobëta. Në 13 ndeshje deri më tani, ata kanë fituar pesë, kanë humbur pesë dhe kanë barazuar tre. Ata kanë shënuar vetëm 16 gola dhe kanë pësuar 17, dhe ende nuk kanë fituar një ndeshje jashtë fushe. Barça është në vendin e nëntë në La Liga me 15 pikë në 10 ndeshje.
Disfata e së mërkurës erdhi pasi skuadra humbi kundër Real Madridit të dielën.
Situata financiare e klubit çoi në largime, veçanërisht të Lionel Messit dhe Antoine Griezmann. Kjo ishte një pengesë serioze për Koeman.
Sipas mediave lokale, ish-mesfushori i Barcelonës, Xavi Hernandez thuhet se është kandidati më i përfolur për të zëvendësuar Koemanin.
