Kryeministri Edi Rama ka replikuar me një komentues, i cili i shkruan kreut të qeverisë se nuk bie dakord me iniciativën ‘Open Balkan’. Sipas tij, shqiptarët kanë nevojë për bashkim dhe kjo nuk arrihet përmes ‘Open Balkan’. Komentuesi i shkruan Ramës se serbët nuk i duam pasi na cënojnë territorin tonë dhe detin.
“Jetë të gjatë o kryeministër me të gjitha politikat e tua pajtohem përveç një (Jo Open Balkan). Shqiptarët kanë nevojë për bashkim kështu qe serbët nuk i duam as në Det e as në territorin tonë”, ka shkruar komentuesi”, shkruan komentuesi.
Në përgjigjen e tij kundrejt komentuesit, Rama thotë se ‘Open Balkan’ është e ardhmja dhe vetëm kështu mund të bëhet bashkimi i shqiptarëve. Kryeministri shton se të kaluarën duhet ta lëmë pas dhe detin nuk na e merr askush, por duhet ta përdorim si një pikë strategjike të vendit tonë për të krijuar rritur ekonominë.
“Ora e historisë shkon përpara dhe kush ia tërheq akrepat mbrapsht thjesht gënjen veten! ‘Open Balkan’ është e ardhmja dhe bashkimi i shqiptarëve bëhet me mjetet e të ardhmes, jo me avazin e vjetër të së shkuarës. Sa për detin, duhet të jemi shumë të qetë, se detin që na e ka dhënë Zoti nuk na e merr dot askush, por duhet të jemi edhe të mençur që edhe nga deti të krijojmë më shumë ekonomi e mirëqenie”, shkruan Rama.
