Ish-trajneri i Barcelonës Pep Guardiola ka folur ditën e sotme me fjalë të mëdha sot për Xavin. Teksa trajneri i kësaj skuadre u shkarkua ditën e djeshme, ekipi është në pritje të merret në drejtim nga një tjetër trajner me eksperiencë dhe legjendari Pep shpreson të jetë Xavi.
“Nëse zgjidhet Xavi trajner, nuk kam dyshim se ai është i përgatitur. Ai e njeh shumë mirë mjedisin në Barcelonë dhe kjo është shumë e rëndësishme. Ai e njeh lojën, pasionin dhe ka më shumë eksperiencë sesa kur mora skuadrën. Nëse Xavi është trajneri i radhës, i uroj gjithë të mirat dhe hap pas hapi të rikuperojë ekipin”-u shpreh ai ndër të tjera. Xavi në shumë intervista e ka cilësuar Pep si trajnerin më të mirë në botë.
Ronald Koeman është shkarkuar nga posti i trajnerit të Barcelonës pas 14 muajsh në detyrë. Pas javësh spekulimesh, ndeshja e fundit e Koeman ishte humbja 1-0 nga Rayo Vallecano në La Liga të mërkurën mbrëma, humbja e tyre e katërt në gjashtë ndeshje në të gjitha garat. Presioni ishte rritur mbi holandezin që nga humbja 3-0 ndaj Benfica në fund të shtatorit, e cila e bëri këtë sezon fillimin më të keq të klubit në Champions League.
