Kryeministri Edi Rama deklaroi se siguria e qarkullimit rrugor mbetet një nga prioritetet kryesore.
Gjithashtu ai theksoi se nga Ministria e Mbrojtjes do të ngrihet qendra e re kundër krimit kibernetik.
“Është e nevojshme domosdoshmëria për të vazhduar ngritjen e cilësisë në Akademinë e Sigurisë. Theksoj se ka ende shumë punë për të bërë pavarësisht ndërhyrjeve. Lufta kundër krimit është prioritet i prioriteteve përfshirë të gjitha aspektet e saj. Ndjehet ende mungesa e efikasitetit siç ka pasur operacioni Forca e Ligjit apo kjo pjesë e organizimit policor tek lufta kundër krimit ekonomik. Aty është e domosdoshme që të vendosen më shumë forca dhe të krijohen kushte për të arritur të njëjtat rezultate si me pjesën tjetër. Prioriteti jo më pak i rëndësishëm është ngritja në një nivel sigurie më të lartë të gjithë qarkullimit rrugor në Republikën e Shqipërisë. Ndërsa sa i përket krimit kibernetik për hir të vërtetës jemi shumë mbrapa. Një qendër e re do të ndërtohet nga Ministria e Mbrojtjes kundër krimit kibernetik…Ne do të bëjmë gjithçka mundemi që ju të ndjeheni me të mbështetur dhe më të respektuar…Duhet ta ndjeni se ky shtet ju çmon si kapital të pazëvendësueshëm”, tha ndër të tjera Rama.
