Sekretari i Përgjithshëm i Partisë Demokratike, Gazment Bardhi, e quajti tallje të madhe me demokratët mbledhjen e firmave që Berisha bëri sot për mbledhjen e Kuvendit Kombëtar të PD.
Bardhi u shpreh që Berisha nuk ka mbledhur dot ¼ e firmave që duhen.
“Pas 30 vitesh në PD, Sali Berisha, e di shumë mirë si funksionon PD. Ajo që tha sot nuk ka asnjë lidhje me statutin e PD. U provua qartësisht se gjatë gjithë kësaj periudhe ka luajtur një bllof të madh me demokratët.
Nuk kaq mbledhur dot ¼ të firmave për mbledhjen e Kuvendit Kombëtar. Ai e di procedurën se ku dorëzohen dhe si është procesi për mbledhjen e Kuvendit.
Ajo që pamë sot është tallje e madhe me demokratët dhe sakrificën e tyre. PD është institucion që funksionon në bazë të Statutit të PD dhe është fyerje e rëndë për çdo demokrat që pretendohet se mbahen sekret anëtarët e PD nga organet statusore,” tha Bardhi.
