Një shpërthim është shënuar mesditën e sotme në një lokal në qytetin e Shkodrës. Sipas njoftimit të policisë, është vendosur lëndë plasëse artizanale lokalit në pronësi të shtetasit Gjin Guri.
Ngjarja ka ndodhur në një biznes në buzë të rrugës që të çon në Malin e Shoshit. Fatmirësisht nuk ka persona të lënduar por vetëm dëme materiale.
Njoftimi i policisë:
Në sallën operative të DVP Shkodër është marë njoftim se në buzë të rrugës që të çon në Malin e Shoshit, Njësia Administrative Shosh, Bashkia Shkodër, në lokalin e shtetasit Gj. G., ka ndodhur një shpërthim i vogël, dyshohet nga lëndë plasëse (artizanale).
Nuk ka dëme në njerëz, vetëm dëme materiale. Grupi hetimor dhe shërbimet e Policisë janë nisur për në vendngjarje.
