Autoriteti Rrugor Shqiptar u ka bërë thirrje të gjithë drejtuesve të mjeteve të pajisen me goma dimërore dhe zinxhirë.
Të gjithë përdoruesit në akse rrugore ku ka prezencë të dëborës do të duhet të tregojnë kujdes, në të kundër nuk do të lejohet të kalojnë nga patrullat e Policisë Rrugore.
Njoftimi:
Apel për të gjithë drejtuesit e mjeteve Nisur nga parashikimi i motit për sot dhe ditët në vijim, të cilat do jenë me reshje shiu dhe dëborës bëjmë thirrje të gjithë drejtuesve të mjeteve të pajisen me goma dimërore dhe zinxhirë në të gjitha ato akse rrugore ku ka prezencë të dëborës, pasi nuk do të lejohet të kalojnë nga patrullat e Policisë Rrugore. Kujdes, respektoni sinjalistikën rrugore reduktoni shpejtësinë, ndiqni udhëzimet e Policisë Rrugore.
