Tashmë është në kinema “Shtëpia e Guccit”, një film me regji të Ridley Scott, në të cilin Lady Gaga luan Patrizia Reggiani, gruaja që i dha fund jetës së trashëgimtarit të firmës së modës, Maurizio Gucci (Adam Driver ).
Një ngjarje reale e tmerrshme që u bë një nga më të diskutuarat në kronikën e zezë italiane të viteve 90. Tani, sa realitet ka pas filmit?
Me një skenar të shkruar nga Roberto Bentivegna dhe Becky Johnston, “Shtëpia e Guccit” bazohet në librin jo-fiction “Shtëpia e Gucci: Një histori sensacionale e vrasjes, çmendurisë dhe lakmisë”, shkruar nga Sara Gay Forden në 2001.
Që kur u publikua libri, Scott u përpoq ta sillte në ekranin e madh. Çfarë është e vërtetë dhe çfarë trillimi në “Shtëpinë e Guccit”?
Filmi rrëfen një betejë të ashpër familjare, në të cilën skenaristët e tij nuk kanë ngurruar t’u referohen filmave të tillë si ‘Muzgu i perëndive’, ‘Kumbari’ ose ‘Çmimi i fuqisë’.
“Gjithmonë kam dashur që audienca të ndjehet sikur po shikon një film”, – tha Bentivegna për revistën Time.
Filmit i është dashur të zbusë betejën familjare që u zhvillua në firmën Gucci. Të vërtetosh se realiteti e tejkalon ndonjëherë trillimin.
“Nëse do ta kisha shpikur historinë e Gucci-t si një roman, askush nuk do t’i jepte besueshmëri,” shtoi Scott.
