Greqia do të ofrojë nga dita e sotme teste falas për Covid-19, për të gjithë qytetarët grek.
Lajmi konfirmohet nga mediat greke, të cilat shkruajnë se testet falas do të jenë në disponim për të gjithë në farmacitë e vendit.
Këto teste mund të merren nga të gjithë personat, të vaksinuar dhe të pavaskinuar duke bërë të mundur kështu identifikimin e virusit dhe parandalimin e përhapjes së tij.
Mësohet se çdo qytetar ka të drejtë të marrë dy teste falas, në mënyrë që njërin ta kryejë para festave, ndërsa tjetrin pasi të kthehen në shkollë e punë pas pushimeve.
Kujtojmë se deri më tani Greqia ka regjistruar 3 raste të reja me variantin e ri Omicron dhe vijon të ketë një nunër të lartë të infektimeve ditore.
