Lulzim Basha ka folur në një intervistë për mediat para mbledhjes së dy Kuvendeve Kombëtare të thërritur nga PD, tashmë e përçarë midis datës 11 dhe 18 dhjetor, të thirrur nga lideri aktual dhe lideri historik Sali Berisha.
Basha ka deklaruar se nuk do e japë dorëheqjen nga kreu i bluve pasi ai deklaron se 85% e anëtarësisë së PD i ka besuar atij t’i udhëheqë dhe beteja sapo ka nisur.
“Asgjë nuk ka ndryshuar që nga momenti kur 85% e anëtarësisë ka votuar një anëtarë një votë dhe më ka besuar t’i udhëheq në betejën kundër një regjimi që masakroi votën e shqiptarëve përveç shpalljes së zotit Berisha “Non Grata” dhe unë nuk kam asnjë arsye se pse për shkak të shpalljes së zotit Berisha “Non Grata” të tradhtoj besimin, të tradhtoj besimin e demokratëve, të tradhtoj besimin e shqiptarëve të cilët te Partia Demokratike shohin shpresën e vetme, alternativën e vetme për të ardhmen, për luftën kundër korrupsionit, për luftën për zgjedhje të lira dhe të ndershme. 18 dhjetori ka dhe një simbolikë tjetër do të jetë dhe një moment transformues, jo thjesht për Partinë Demokratike por për Shqipërinë pikërisht për t’i dhënë fund këtij tranzicioni për t’i dhënë fund këtij mentaliteti të një grushti politikanësh që kanë 30 vjet që e trajtojnë Shqipërinë si plaçkën e tyre”.-u shpreh ai ndër të tjera.
