I riu tenton të vrasë 20-vjeçarin në dhomën e një hoteli në Durrës, e dashura fsheh pistoletën

113 563 lexime

124,178FansaPëlqeje

Një plagosje me armë zjarri ka ndodhur mëngjesin e kësaj të enjtje në Durrës. Policia bën me dije se si pasojë është plagosur 20 vjeçari me iniciale A.S i cili ndodhet në spital jashtë rrezikut për jetën.

Ndërkohë autoritetet kanë bërë të mundur identifikimin dhe shpalljen në kërkim të autorit të kësaj ngjarje dhe të një tjetër shtetasi për moskallëzim krimi.

Në pranga është vënë një 20 vjeçare e cila ka fshehur armën e zjarrit dhe personi që ka strehuar të renë.

Njoftimi i plotë;

Zbardhet ngjarja e ndodhur mëngjesin e sotëm, në ambientet e dhomës së një hoteli, ku mbeti i plagosur një shtetas.

Tentoi të vriste me armë zjarri 20-vjeçarin, identifikohet dhe shpallet në kërkim autori i dyshuar i ngjarjes.

Në kërkim edhe një shtetas tjetër, për moskallëzim krimi.

Arrestohet në flagrancë 22-vjeçarja që fshehu armën e zjarrit dhe 1 shtetas tjetër që strehoi 22-vjeçaren, pas ngjarjes.

Sekuestrohet arma e zjarrit pistoletë që është përdorur në ngjarje.

Shërbimet e Komisariatit të Policisë Durrës, menjëherë pas marrjes së njoftimit se në ambientet e dhomës së një hoteli në autostradën Durrës-Tiranë, ishte plagosur me armë zjarri një shtetas, kanë organizuar menjëherë punën për zbardhjen e ngjarjes, identifikimin dhe kapjen e autorëve.

Gjatë veprimeve hetimore ka rezultuar se në ambientet e dhomës së një hoteli, në të cilën kanë qenë shtetasit M. B., T. Sh., A. B. dhe A. S., shtetasi M. B. ka tentuar të vrasë me armë zjarri, shtetasin A. S., 20 vjeç, banues në Durrës, i cili ndodhet në spital, jashtë rrezikut për jetën.

Në vijim të veprimeve hetimore 26-vjeçari M. B., banues në Durrës, është shpallur në kërkim për veprat penale “Vrasja me dashje” mbetur në tentativë dhe “Armëmbajtja pa leje”.

Lexo edhe :  Berisha nga Mirdita: Në 2007-2014 kishim rritjen më të lartë të popullsisë, por Rama...

Në kërkim është shpallur edhe shtetasi T. Sh., 32 vjeç, për veprën penale “Moskallëzim krimi”.

Gjithashtu janë arrestuar në flagrancë shtetasit:

A.B., 22 vjeçe, për veprat penale “Armëmbajtja pa leje”, “Veprime që pengojnë zbulimin e së vërtetës” dhe “Moskallëzim krimi”. Kjo shtetase, menjëherë pas ngjarjes, ka marrë armën e zjarrit dhe e ka fshehur në pjesën e pasme të hotelit;

E. H., 66 vjeç, për veprën penale “Moskallëzimi i krimit”, pasi ka strehuar shtetasen A. B., ndërkohë që ka patur dijeni për ngjarjen.

Në cilësinë e provës materiale u sekuestrua arma e zjarrit pistoletë që është përdorur në këtë ngjarje.

Vijon puna për kapjen e shtetasve të shpallur në kërkim.

Materialet i kaluan Prokurorisë pranë Gjykatës së Shkallës së Parë Durrës, për veprime të mëtejshme.

Të fundit

Publikoi fletën e votimit që i shkoi me postë në Tik Tok, e pëson shqiptari në Gjermani

Një 24-vjeçar me inicialet E. N. është proceduar penalisht nga Drejtoria Vendore e Policisë Lezhë për veprat penale “Shkelja...

Simbolika e numrave: sinjalet sekrete që universi na dërgon!

A e keni parë apo të diskutuar kur ora tregon 11:11, apo keni marrë një faturë me shumë prej 2.22 euro? Episode të tilla,...

Franca dënon ashpër planin e Izraelit për pushtimin e Gazës

Ministri i Jashtëm i Francës, ka deklaruar se Parisi dënon “shumë fuqishëm” fushatën e re ushtarake të Izraelit në Rripin e Gazës. Në një intervistë...

Ja çfarë duhet të dini nëse doni të investoni në startup-in e ri të AI të Mira Muratit!

Investitorëve që shpresojnë të mbështesin startup-in e ri të Inteligjencës Artificiale të ish-drejtoreshës kryesore të teknologjisë së OpenAI, Mira Muratit, u kërkohet të paguajnë...

Pamjet e rënda/ Ishte duke ecur mbi trotuar, momenti kur polici merret para nga makina

Një aksident i rëndë u regjistrua ditën e djeshme në Peshkopi ku një makinë me shpejtësi skëterrë humbi kontrollin dhe goditi policin Veli Gjura...

Lajme të tjera

Web TV