Këshilli i Lartë i Prokurorisë ka emëruar sot në SPAK prokurorët Elvin Gokaj dhe Alfred Shehu.
Në përfundim të procedurës së vlerësimit, KLP vendosi renditjen e 3 kandidatëve të cilët kanë aplikuar për 2 vende vakante ne SPAK, si vijon:
1. Elvin Gokaj me 216 pikë
2. Alfred Shehu me 211 pikë
3. Sonila Muhametaj (Domi) me 208 pikë.
Prokuroria e Posaccme Kundër Krimit dhe Korrupsionit ka kërkuar në vazhdimësi prokurorë në radhët e saj për shkak të shumë çështjeve dhe dosjeve, që e bëjnë të ngjeshur punën e tyre.
Emërimi i fundit në SPAK është bërë në korrik kur Këshilli i Lartë i Prokurorisë ka vendosur emërimin e prokurorëve Adnan Xholi dhe Dorina Bejko.
