OJ Simpson, i pandehuri në një nga gjyqet e vrasjeve më të publikuara në Amerikë, ka shënuar një fitore ligjore pasi iu dha lirimi i parakohshëm nga lirimi me kusht pas një dënimi për grabitje të armatosur në 2008.
“Simpson ka qenë në lirim me kusht që nga 1 tetori 2017 dhe afati i tij i lirimit me kusht do të përfundonte më 9 shkurt 2022, ” tha në një deklaratë zëdhënësja e Policisë së Shtetit të Nevada, Kim Yoko Smith. Ajo shtoi se vendimi për lirimin e parakohshëm u ratifikua më 6 dhjetor.
Dënimi i vitit 2008 lidhej me një konfrontim që ai pati një vit më parë në një dhomë hoteli në Las Vegas. Një tregtar i relikeve sportive akuzoi Simpson dhe një grup njerëzish të tjerë se hynë në dhomën e tij dhe e grabitën me armë. Simpson u dënua me 33 vjet burg dhe kreu nëntë prej tyre, në moment kur ai u lirua me kusht.
Në vitin 1995, ish-ylli i futbollit dhe personaliteti i medias u shpall i pafajshëm për vrasjet e ish-bashkëshortes së tij Nicole Brown Simpson dhe mikut të saj Ronald Goldman. Historia ishte një nga më të mëdhatë në televizionin kombëtar në atë kohë, duke filluar me transmetimin e drejtpërdrejtë të ndjekjes nga policia të makinës së Simpson, pasi dy trupa të goditur me thikë u gjetën në banesën e gruas.
Që nga lirimi i tij nga burgu në vitin 2017, Simpson ka jetuar në një komunitet të mbyllur në Las Vegas, duke komentuar shpesh për çështjet aktuale përmes mediave sociale.
