Gjykata e Kurbinit ka dhënë masën e sigurisë “arrest me burg” për tre personat e arrestuar në lidhje me ekzekutimin e biznesmenit Rakip Roli në Sanxhak të Laçit. Kështu në burg do të mbeten Skënder dhe Llej Lika babë dhe bir si dhe Klejdi Gjexhaj Beleshi që dyshohet se ka ndihmuar autorët. Llej Lika është ai që ka marrë përsipër autorësinë e ngjarjes duke thënë se e kishte vrarë biznesmenin Roli pasi djemtë e tij e kishin rrahur në muajin korrik.
Biznesmeni 55-vjeçar kishte një biznes për materiale ndërtimi dhe mjete të transportit të rëndë dhe djemtë e tij ishin bashkëpunëtorë të tij. Në rrjetet sociale ata reklamojnë jetën që bëjnë por edhe biznesin që kanë në pronësi si familje. Djemtë e biznesmenit Roli janë emra të njohur për policinë dhe drejtësinë pasi në vitin 2017 janë hetuar për trafik droge.
