Të shtëna me armë zjarri raportohet të ketë ndodhur mbrëmjen e sotme në qytetin e Vlorës, ku si pasojë ka mbetur i plagosur një person. Ngjarja ka ndodhur në vendin e quajtur Rruga e Çipajve, në lagjen “Pavarësia”, ndërsa ende nuk bëhen me dije rrethanat e plagosjes së 36-vjeçarit.
I plagosuri, shtetasi Diego Hanaj, 36 vjeç ka marrë plagë në dorë është dërguar me urgjencë në Spitalin Rajonal të Vlorës për të marrë ndihmën e parë mjekësore.
Policia është njoftuar nga stafi i spitalit për shtetasin e plagosur, e cila ka shkuar menjëherë për kryerjen e veprimeve hetimore. Ndërkohë, Policia ka ngritur pika kontrolli në hyrjet dhe daljet e qytetit për të identifikuar dhe kapur autorin/ët.
