Mjeku epidemiolog Ilir Alimehmeti ka dhënë një lajm të mirë në lidhje me variantin Omicron të Covid. Me anë të një postimi në “Facebook” mjeku shprehet se krahas studimeve në Afrikën e Jugut, Skoci dhe Angli, rezultate të mira vijnë edhe nga një studim i kryer në Kanada, të cilat tregojnë se varianti Omicron është më i lehtë se Delta.
Ai shpjegon se në studimin e kryer nga Instituti i Shëndetit Publik të Ontarios u morën në shqyrtim 11.622 raste me Omicron dhe u krahasuan me 14.181 raste me Delta. Rastet me Omicron dhe rastet me Delta ishin njëlloj për sa i përket moshës, gjinisë, vaksinimit, kohës së kaluar pas vaksinimit,vendit dhe datës së fillimit të sëmundjes.
Mjeku shpjegon më tej se Omicron ka rëndesë më të ulët të sëmundjes si për të vaksinuarit ashtu edhe për të pavaksinuarit. Më poshtë jepet postimi i plotë i Alimehmetit.
