Spartak Braho tronditi me një deklaratë dje kur tha se një deputet do të vritet në protestën e Berishës për të marrë PD-në. Braho përmendi inicialet E.A, që sipas tij duhej të bënte kujdes për jetën e tij pasi ka informacione që do të tentohej të eliminohej.
Kjo ka bërë që Garda e Republikës ta marrë në mbrojtje deputetin Enkelejd Alibajn, duke i dhënë 2 shoqërues për ta mbrojtur.
Ndërkohë që në hyrje të Selisë blu është parë edhe deputetja Grida Duma e cila është parë me 3 shoqërues në automjetin e saj.
Alibeaj ka reaguar përmes një postimi në rrjetet sociale lidhur me incidentet e shënuara para selisë së PD, ende pa nisur protesta.
“Sali Berisha do dhune dhe gjak. Nxit demokratet te perplasen me njeri tjetrin dhe vete eshte fshehur. Turp! Kjo eshte fytyra e vertete e Sali Berishes. Te dhunoje kedo qe nuk mendon si ai!”- shkruan Alibeaj.
