Broja ‘mahnit’ Europën, spanjollët: Paraqitje shpërthyese, është Diego Kosta i ri

113 563 lexime

106,048FansaPëlqeje

Armando Broja është pa dyshim njeriu i momentit në klubin e Sauthemptonit. Sulmuesi dhuroi një tjetër natë magjike, duke shënuar dhe thyer rekorde. Te klubi i Sauthemptonit kanë filluar që tani t’i ndiejnë “ethet” e largimit të tij në fund të sezonit, pasi për fatin e keq të “Shenjtorëve”, shqiptari është i huazuar vetëm për një vit nga Çelsi që zotëron kartonin.

Me performancën që po bën deri tani, Armando Broja nuk është duke magjepsur vetëm shqiptarët, por aktualisht ai është në qendër të vëmendjes në të gjithë Europën. Për të qenë më të saktë, mjafton që t’i hedhësh një sy artikullit që i ka kushtuar gazeta spanjolle “Marca” dhe faktit që e kanë lidhur edhe me rekordin tjetër që është thyer nga ana e sulmuesit. Ata e quajnë Diego Kosta i ri, jo vetëm nga konstrukti, fiziku apo forca, por edhe për statistikat, që i ka njësoj me ish-yllin e Çelsit.

ARTIKULLI I “MARCA” DHE REKORDI – “Broja doli nga akademia e famshme ‘Cobham’ e Çelsit dhe po krijon emrin e tij te Sauthemptoni ku po kalon një sezon në huazim. 20- vjeçari shënoi të martën në mbrëmje, çka e bëri atë lojtarin më të ri në historinë e Premier Ligës që shënon në katër sfidat e para që starton si titullar dhe tani Sauthemptoni do të bëjë lëvizjen e tij për ta mbajtur në verë”, shkruhet fillimisht në artikull.


DIEGO KOSTA I RI – Ndërsa spanjollja nuk harron ta krahasojë edhe me ish-sulmuesin e frikshëm të Çelsit, Diego Kosta, që ka të njëjtin rekord me shqiptarin. “Broja shpesh është cilësuar si zëvendësuesi ideal i ish-sulmuesit të Çelsit, Diego Kosta, për shkak të fuqisë dhe paraqitjeve shpërthyese të tij. Futbollisti shqiptar i lindur në Angli do të jetë krenar të dijë se lojtari i fundit që ka arritjen e tij për të shënuar në katër ndeshje radhazi si titullar në shtëpi ishte vetë Kosta.

Lexo edhe :  Shok ekipi me shqiptarët/ Humb jetën në aksidentin horror futbollisti 27-vjeçar

Ashtu si spanjolli i lindur në Brazil, Broja ka një aftësi për të shënuar gola të rëndësishëm. Deri më tani këtë sezon ai ka shënuar pesë gola dhe Sauthemptoni nuk ka humbur asnjëherë në ndeshjet që ai ka realizuar gol. Sulmuesi shënoi për herë të parë në fitoren 1-0 të ekipit ndaj Lidsit në tetor 2021. Që atëherë, Broja ka shënuar në barazime kundër Bërnlejt (2- 2), Brajtonit (1-1), Kristal Palasit (2-2), si dhe fitoren e tyre të fundit 4-1 kundër Brentfordit”, përfundon artikullin “Marca”.


Të fundit

Broja ‘mahnit’ Europën, spanjollët: Paraqitje shpërthyese, është Diego Kosta i ri

Armando Broja është pa dyshim njeriu i momentit në klubin e Sauthemptonit. Sulmuesi dhuroi një tjetër natë magjike, duke...

Princi Andrew i Britanisë humbet titujt ushtarakë

Princi britanik, Andrew ka humbur titujt ushtarakë dhe patronazhet, dhe ato i janë kthyer Mbretëreshës Elizabeta II, ka njoftuar Pallati Buckingham. Ky vendim është marrë...

Falë TAP-it, Italia filloi eksportin e energjisë në dhjetor

Fatura e lartë shqetëson konsumatorët dhe bizneset italiane, disa u detyruan të ndalonin prodhimin, por në gjysmën e dytë të dhjetorit Italia filloi eksportin...

Përjashtimet/ Nikolla tregon sesi do të veprohet nëse ka ndryshime në Grupin Parlamentar të PD

Ndarja në PD u bë akoma më e dukshme edhe pas protestës së 8 janarit në Selinë Blu ku nuk munguan edhe përplasjet e...

Gazetari ia thotë në sy Berishës: Ke vrarë 4 qytetarë në mes të Bulevardit, mos e nxi më Shqipërinë

Një përplasje e ashpër ka ndodhur mes Sali Berishës dhe gazetarit Imer Mushkolaj gjatë një emisioni live ne televizionet në Kosovë. Gjatë një debati...

Lajme të tjera

Web TV