Zbulohen viktimat e një cunami 3600-vjeçar

113 563 lexime

124,178FansaPëlqeje

Një ekip arkeologësh në Turqi ka zbuluar eshtrat e dy viktimave të para të konfirmuara të cunamit të gjeneruar nga një prej shpërthimeve vullkanike më shkatërruese ndonjëherë, ai i vullkanit Thera, i vendosur në detin Egje ku sot ndodhet ishulli grek i Santorinit.

Skeletet e një të riu dhe një qeni të nxjerra nga deti datojnë 3600 vjet më parë. Është i njëjti moment historik me të cilin lidhet edhe shpërthimi më i keq në Thera. Një fatkeqësi natyrore që zhduku qytetin e lashtë minoan të Akrotirit, në Santorini, përtej vendbanimeve të tjera në ishujt e afërt dhe në brigjet e Kretës. Mendohet se ngjarja vullkanike frymëzoi mitin e Platonit për Atlantidën, ishullin legjendar që u fundos në një natë të vetme.

Mbetjet e hirit vullkanik të depozituara nga vullkani në shpërthimin që ndodhi rreth vitit 1600 para Krishtit, janë gjetur me bollëk në Santorini, por ajo e cunamit deri më tani kishte mbetur vetëm një hipotezë. Valët anormale tërheqin viktimat dhe mbeturinat drejt detit, larg nga bregu ku është më e vështirë t’i gjesh ato, prandaj nuk kishte asnjë provë të një cunami të prodhuar nga shpërthimi i Therës.

Ekipi i udhëhequr nga arkeologët nga Universiteti i Ankarasë zbuloi mbetjet në Çeşme-Bağlararası, një vend i epokës së bronzit në bregun perëndimor të Turqisë me pamje nga deti Egje. Këtu, gjatë cunamit, një mur mbajtës mbante trupat e një njeriu dhe një qeni, si dhe hirin, rrënojat dhe mbeturinat e tjera, duke i penguar ata të thitheshin nga furia e detit. Siç thuhet në artikullin e publikuar në PNAS, burri dhe qeni u gjetën në një pozicion pak të lakuar që të kujton ato të viktimave moderne të cunamit. Rreth skeletit nuk u vunë re shenja të varrimit.

Lexo edhe :  Fiati, themelimi i një perandorie automobilistike italiane

Datimi radiokarbon i materialit rreth viktimave e vendos cunamin “vrasësin” jo më herët se viti 1612 para Krishtit. Ekipi gjithashtu zbuloi se kishte disa cunami të shkaktuara nga vullkani Thera rreth asaj kohe, si dhe përpjekje të shumta shpëtimi. Në sitin arkeologjike u gjetën disa vrima në formë të çrregullt, ndoshta të krijuara në përpjekje për të nxjerrë gurë të mëdhenj nga balta ose për të gjetur të mbijetuarit menjëherë pas katastrofës.

Të fundit

17 korrik 1945 – Konferenca e Potsdamit, mblidhen Truman, Çurçill e Stalini

Më 17 korrik 1945, në qytetin e Potsdamit pranë Berlinit, tre udhëheqësit e kombeve aleate – Winston Churchill (Kryeministër...

Horoskopi ditor, 17 Korrik 2025

Dashi Dashuria: Dita e sotme ju sheh më të fortë sesa ditët e fundit. Është e rëndësishme tani të kuptoni se cilin dëshironi në anën...

Kolegji i Posaçëm i Apelimit lë në fuqi shkarkimin e prokurorit Sokol Malaj

Kolegji i Posaçëm i Apelimit ka lënë në fuqi shkarkimin nga detyra të prokurorit tw Tiranws Sokol Malaj. Trupi gjykues i Kolegjit të Posaçëm të...

Gjermania injoron kritikat, vazhdon eksportet ushtarake drejt Izraelit

Sipas shifrave zyrtare të publikuara, Gjermania ka vazhduar eksportet e saj ushtarake drejt Izraelit në muajt e fundit pavarësisht shenjave shqetësuese të gjenocidit në...

Gjermania dhe BE: Sulmet ndaj gjyqtarëve në Kosovë janë të papranueshme

Ndërkombëtarët reagojnë në mbrojtje të Gjykatës Supreme të Kosovës pas shfuqizimit të vendimit të ministrit në detyrë të financave, Hekuran Murati, lidhur me arkat...

Lajme të tjera

Web TV