Ukraina akuzon Rusinë për sulm kibernetik, sistemet kompjuterike të infektuara me viruse

113 563 lexime

124,178FansaPëlqeje

Ukraina tha të dielën se Rusia qëndron pas një sulmi kibernetik që goditi faqet e internetit të qeverisë së saj dhe se Rusia është angazhuar në një “luftë hibride” në rritje kundër saj.

Deklarata nga Ministria për Zhvillimin Digjital erdhi një ditë pasi kompania Microsoft tha se dhjetëra sisteme kompjuterike në një numër agjencish qeveritare ukrainase ishin infektuar me viruse dëmtuese.

“Të gjitha të dhënat tregojnë se Rusia qëndron pas sulmit kibernetik. Moska vazhdon të zhvillojë një luftë hibride dhe në mënyrë aktive po intensifikon përpjekjet në hapësirat informative dhe kibernetike,” thuhet në deklaratën e ministrisë.

Sulmi vjen ndërsa shtohet rreziku i një ndërhyrjeje ruse të Ukrainës dhe bisedimet diplomatike për zgjidhjen e tensioneve duket se kanë ngecur. Microsoft tha në një postim të shkurtër të shtunën se zbuloi për herë të parë virusin keqdashës të enjten. Kjo përkonte me sulmin që goditi rreth 70 faqe interneti të qeverisë ukrainase.

Në një njoftim tjetër, Microsofti tha se sistemet e prekura “përfshijnë shumë organizata qeveritare, jofitimprurëse dhe të teknologjisë së informacionit.”

Një drejtues i lartë i sigurisë kibernetike në sektorin privat në Kiev, Oleh Derevianko, tha për agjencinë Associated Press se sulmi ishte i ngjashëm me ato të fushatës ruse të spiunazhit kibernetik në vitin 2020 ndaj SolarWinds që kishte në shënjestër qeverinë amerikane./VOA/

Të fundit

Tiranë, alarm për bombë te parkimi i hotelit, policia rrethon zonën! Dyshohet për…

Një telefonatë anonime në sallën operative të policisë ka ngritur në alarm forcat e rendit pasditen e sotme në...

Merr flakë makina në autostradën Tiranë-Durrës! Shpëton mrekullisht shoferi

Një automjet tip "Benz C Class" është përfshirë nga flakët pasditen e kësaj të premteje në autostradën Tiranë-Durrës. Sipas informacioneve paraprake automjeti është djegur për...

Dy 14-vjeçarë ngacmojnë një të mitur, e filmojnë dhe postojnë në rrjetet sociale

Prokuroria e Elbasanit po heton një rast të rëndë të ngacmimit seksual në Elbasan. Më konkretisht raportohet se një 12-vjeçare ka rënë pre e...

Skandal në Arabinë Saudite, dhunë dhe abuzime në strehimoret e ‘grave të pabindura’

Imazhe të publikuara në media dhe rrjetet sociale tregojnë tmerrin që përjetojnë gratë në të ashtuquajturat “strehimore bindjeje” në Arabinë Saudite, ku ato i...

“Berisha nuk bën protesta se e di që nuk i vjen kush”

Analisti Ergys Mërtiri thotë se PD ndodhet në krizë të vazhdueshme. Në një intervistë për “Tirana Live” në ABC News, Mërtiri u shpreh se PD,...

Lajme të tjera

Web TV