Moti i keq nga veriu ka zbritur duke “mbërthyer” edhe jugun. Mbrëmjen e sotme reshjet e dëborës kanë zbardhur Fierin, Vlorën dhe rrethinat.
Reshjet vijojnë që të bien me intensitet. Policia u bën thirrje drejtuesve të mjeteve që të lëvizin me kujdes sidomos në Llogora.
Për momentin nuk raportohet për probleme me qarkullimin. Vendi prej disa ditësh është “pushtuar” nga moti i keq, dëborë dhe ngrica, ndërsa në fillim të javës që vjen temperaturat do të shkojnë deri në -17 gradë dhe për këtë arsye ministria e Arsimit mbylli shkollat për tre ditë.
