“Besën e babës s’e thej derisa të vdes”/ 17-vjeçari që u kthye në vrasës la pikturën për të marrë gjakun

113 563 lexime

124,178FansaPëlqeje

Vrasja e babait në vitin 2009, ka shtyrë 17-vjeçarin Floianit Përvathin të vriste me armë zjarri 62-vjeçarin Lekë Lekëgjonaj. Ky krim tronditi Lezhën të hënë në mesditë, por detajet që dolën më pas i shtuan ngjarjes nuanca akoma më të rënda. Ishte viti 2009, kur i ati i 17-vjeçarit, vritet pas një konflikti banal nga bashkëfshatari i tij.

Në atë konflikt, i plagosur ka mbetur edhe vëllai i Florianit, që për 6 muaj e pa veten duke ecur me ndihmën e patericave. E ëma e djalit, nuk e duroi dot këtë dhimbje që i ndodhi dhe vrau veten pak minuta pasi ndodhi krimi. I mbetur jetim, Floriani, motrat e vëllezërit e tij do të rriteshin nga gjyshërit.

Në atë vrasje, i pranishëm ka qenë edhe 17-vjeçari.

Ai duket se nuk do e fshihte kurrë atë ngjarje nga sytë, e 13 vite më vonë, zgjodhi të merrte hak. Nuk u hakmor ndaj personit që i vrau të atin, por ndaj vëllait të këtij të fundit. Nga një kërkim të thjeshtë në llogarinë e tij në rrjete sociale, i riu shihet se ka pasion pikturën dhe këngën. Në postimet e publikuara ai shfaq foto nga vizatime të realizuara nga vetë ai, ku dukshëm shihet se talenti është evident.

“Mos u dorëzo kurrë, gjërat e mëdha kërkojnë kohë”.

Ky është një nga postimet që Floriani publikonte. Ai publikonte gjithashtu edhe këngë të ndryshme, mesazhi i të cilave ishte si më poshtë:

‘S’jam ai tipi që e pi, s’jam ai tipi që e shes besën që ia kam dhënë babës nuk e thej deri sa të vdes. E nëse vdes diku qaty në Mercedes se dreqi më tha në ondërr ke me vdek. I ri ia nisa t’u kesh thash moti e di kur des mos qaj. Po falendero Zotin që njëherë unë ekzistova”.

Në postimet e tjera i mituri shihet teksa udhëton me makinë dhe shfaqet në shoqërinë e miqve të tij.

Ndërkaq, kryetari i misionit të pajtimit të gjaqeve në Lezhë, Pjetër Gjoka, tha se i njeh shumë mirë dy familjet ndërsa kujton zanafillën e krimit. Sipas tij, Floriani në kohën që iu vra babai ishte diku te 4-5 vjeç, ndërsa shton se ai ka mbajtur të zgjuar ndjenjën e hakmarrjes ndaj vrasësit të babait të tij. Mes të tjerash pajtuesi i gjakut vë gishtin akuzues te drejtësia, pasi sipas tij vrasësi i babait të 17-vjeçarit u dënua me pak vite burg, ndërsa më pas iku jashtë shtetit.

Lexo edhe :  Pano Soko: "Turp për ne, kam frikë t'i shoh votuesit tanë në sy"

“Kam njohur edhe Lekë Lekgjonaj. Më kanë ardhur te zyra që të ndërhynim që situata të qetësohej. Vrasja e babait të autorit në vitin 2009 ndodhi për çështje banale, ordinere, por për ngatërresa të çastit për bagëti dhe më pas ndodhi gjëma. E ka lënë këtë fëmijë dhe një djalë tjetër, dhe gruan. Më pas shumë shpejt, gruaja e tij u vetëvra me helm. Këta dy fëmijë mbetën jetimë. Floriani në atë kohë ka qenë 4-5 veç. Është për të nxjerrë mësim se si një fëmijë 5-vjeç kur është bërë vrasja, e ka përjetuar sigurisht humbjen e dy prindërve që në atë moshë. Ai është gatuar me këtë gjë, me humbjen e të dy prindërve, që erdhi deri sot që me gjakftohtësi të kryente këtë krim. Ai nuk ka bërë tentativë. Ka qenë krejt koshient për atë që ka kryer. Mosha e re bën punën e vetë.

Për koiçidencë Leka u vra në vendin e vëllait të autorit të vrasjes. Te shtëpia e tij, në oborrin e tij. Disa media thonë se kanë qenë pajtuar. Jo nuk është e vërtetë. Ne kemi ndërhyrë me ato mundësi që kemi pasur, pasi s’ka pasur palë. Fëmijët ishin të vegjël, bashkëshortja u vetëvra dhe s’kishim me kë komunikonim. Pas 4-5 ditësh kur ndodhi ngjarja, më tha se çfarë të bëj unë; i thash ki kujdes se ngjarja është e rëndë. I ndjeri më thoshte; skam faj, s’kam pse druaj. Por ç’e do, nuk funksione gjërat kështu. E kam takuar para nja dy muajsh. S’kishte shqetësim.Vëllai i viktimës së sotme, ka mbaruar dënimin, 4-5 vite burg. Ai ndodhet jashtë shtetit. S’kishte mundësi që të merrte kush përsipër që të bëhej pajtimi. Deri në moment që ndodhi, askush se ka pritur.

As nga familja e viktimës sot as nga ata të autorit. Është çudi e madhe se si ka mundësi që një adoleshent të ruaj kaq të freskët dhe me mllef atë ngjarje. Gjakmarrja është fenomen i vjetërsuar, por ja që dhe të rinjtë e vuajnë, është plagë e rëndë. Organet e drejtësisë deri tani kanë qenë pjesë e këtij fenomeni. Pasi ndëshkimi nga shteti duhet të jetë maksimal. Shpresoj që ky problem dhe probleme të ligjit për gjakmarrjet, shteti i ka forcuar shumë. Nëse bëhet një vrasje me paramendim, dënohet me të paktën 25 vite burg”, e mbylli fjalën e tij Gjoka.

Të fundit

Zhduket 48-vjeçarja në Tropojë, policia arreston burrin! Dyshohet se…

Një 58-vjeçar është arrestuar në Tropojë. Kapja e tij erdhi pas hetimeve si pasojë e një denoncimi se bashkëshortja...

Mbrëmja e fundit e një mbreti: Rënia e Farukut dhe fundi i një dinastie

Në verën përvëluese të 26 korrikut 1952, ndërsa flluskat e protestës dhe urrejtjes ndaj aristokracisë mbushnin rrugët e Kajros, Mbreti Faruk I i Egjiptit...

“Mumja” e Leninit ndan Putinin dhe Kishën Ortodokse, revoltohet politika ruse

Një dokumentar i ri me titullin “Mumja” po krijon polemika të forta në Rusi. Filmi, i mbështetur nga Kisha Ortodokse Ruse dhe patriarku Kirill,...

Von der Leyen dhe Trump në “garë me kohën” për të shmangur një përplasje globale

Pas javësh negociatash intensive mes ekipeve teknike dhe politike, presidentja e Komisionit Europian, Ursula von der Leyen, dhe presidenti amerikan, Donald Trump, takohen nesër...

Zjarret në vend, gjatë 24 orëve janë evidentuar 29 vatra, 13 prej tyre ende aktive

Gjatë 24 orëve të fundit, vendi po përballet me një numër të madh zjarresh, duke përfshirë 29 vatra të evidentuara, nga të cilat 13...

Lajme të tjera

Web TV