Të tjera emërime vijnë nga selia blu.
Sekretari i Përgjithshëm i Partisë Demokratike, Gazment Bardhi ka bërë me dije se , anëtari i Kryesisë së z. Roland Bejko është emëruar si drejtues qarku në Gjirokastër.
Kjo lëvizje vjen pasi PD vendosi pezullimin nga të gjitha detyrat të Tritan Shehut i cili mbante kete post.
Të nderuar Kryetarë,
Në mbështetje të nenit 33 të Statutit të Partisë, ju informoj se Kryetari i Partisë ka caktuar si Drejtues Politik të qarkut Gjirokastër, anëtarin e Kryesisë së PDSH z. Roland Bejko. Në këtë mënyrë z. Bejko do të jetë edhe Kryetar i Këshillit Koordinues të Qarkut, që është struktura e përhershme me përgjegjësi në organizimin elektoral dhe aksionet e veprimtaritë politike të PDSH në nivel qarku.
Duke ju uruar punë të mbarë,
Sekretari i Përgjithshëm
Gazment BARDHI
