Një sherr mes të rinjve është regjistruar këtë pasdite në Korçë. Mësohet se një 19-vjeçar është plagosur me thikë.
Sipas raportimeve, ngjarja ka ndodhur për motive të dobëta. I riu ndodhet në spital jashtë rrezikut për jetën.
Policia ka nisur kërkimet për të bërë të mundur kapjen e autorit me inicialet A.E.
Njoftimi i Policisë
Më datë 26.01.2022, rreth orës 15:30, jemi njoftuar se në Spitalin Rajonal Korçë, ka shkuar shtetasi E. T., rreth 19 vjeç, banues në Korçë, i cili dyshohet se gjatë një konflikti për motive të dobëta, në lagjen nr. 16, Korçë, me shtetasin A. E., është dëmtuar me mjet prerës në këmbë dhe aktualisht ndodhet jashtë rrezikut për jetën.
Po punohet për kapjen e autorit të dyshuar dhe sqarimin e rrethanave të ngjarjes.
